Ongi etorriak Mikelen Txokora

Ongi etorriak izan zaitezte Mikelen txokora.
Hemen aurkituko dituzue ZIENTZIEN arloan salseatzeko hainbat kontu.

DBHko Matematika eta Natura ariketez gain Batxilergoko Biologia, Mundu Garaikiderako Zientziak eta Lur eta Ingurunearen Zientzien ariketa, bideo eta abarrak ere aurkituko dituzue.

Thursday, February 25, 2010

DBH 1: Natura. Lurraren neurketa

Hemen duzue aintzinako zientzilari bat, Eratosthenes. Bere garaian famatua egin zen Lurraren zirkunferentzia kalkulatu zuelako. Argazkian klikatu berari buruzko informazioa aurkituko duzue.

- Konturatzen zarete garai hartan gai izan zela Lurra borobila zela hausnartzeko?
- Konturatzen zarete zeintzu tresna erabili zituen halako gauza erraldoia neurtzeko?
- Konturatzen zarete halako baliabideekin nolako errorea izan zuen?

Honetaz gain, berari Beta ezizenaz deitzen zioten. Zergatik?

Sunday, February 21, 2010

DBH 1: Natura. Lurraren osaketa.

Hemen duzu Lurraren geruzak erakusten dituen irudia.
Bila itzazu interneten geruza bakoitzaren egoera fisikoa eta geruzen arteko etenguneen izenak.


Wednesday, February 17, 2010

DBH 2: Mate. Grafikak (2). Munduko populazioa

Hona hemen munduko populazioari dagozkion datuak: (Datuak 2008koak dira eta borobilduta daude)

Afrika = 1.000 milioi
Amerika = 900 milioi
Asia = 4.000 milioi
Europa = 750 milioi
Ozeania = 50 milioi
Antarktika = 0



Bestalde hona hemen planetaren populazioaren bilakaera azken mendeetan:
1750 urtean = 800 milioi
1800 urtean = 1.000 milioi
1850 urtean = 1.250 milioi
1900 urtean = 1.650 milioi
1950 urtean = 2.500 milioi
1975 urtean = 4.000 milioi
2000 urtean= 6.000 milioi
Oharra: Kontuz tarteak egiterakoan 1975 urtearekin.
Egin ezazu datu sorta bakoitzari dagokion diagrama (koadernoan)

Saturday, February 13, 2010

DBH 1: Natura. Hidrosferaren gaiaren eskema

Aupa ikasle maiteak!
Dakizuen bezala 19an Naturako azterketa superzaila daukazue. Badazpada hemen jarri dizkizuet klasean landu ditugun eskemak (bi orrialde dira).
Klikatu azpiko irudietan handiago ikusteko.





Wednesday, February 10, 2010

DBH 1: Natura. Paisaia (2)

Paisaia aztertzen hasi ginen liburuan eta ikusi genuen bazituela hainbat ezaugarri.
Ezaugarri geologikoak; mendi eta haranen itxura eta altuera (edo agian lautada bat da), eta uraren presentzia (ibaia, lakua, itsasoa...)
Ezaugarri biologikoak; landaretzaren oparotasuna eta animaliak.
Ezaugarri klimatikoak; tenperatura (hotza ala beroa), prezipitazioak (euria, elurra...), hezetasuna (hezea ala lehorra), haizea...
Ezaugarri antropikoak; gizakiaren eragina (handia, txikia ala ezer ere ez): herriak, errepideak, urtegiak, kutsadura...

Beha itzazu ondorengo argazkiak (klikatu argazkietan handiago ikusteko) eta esan ezazu bakoitzean ezaugarri hauetako zeintzuk ikusten dituzun.
Binaka egin dezakezue. Saia zaitezte erantzun ahalik eta osatuena egiten, notarako balioko baitu!
Erantzunak Google Docs-en idatz itzazue.























Tuesday, February 9, 2010

DBH 1: Natura. Paisaia (1) Labraza

Labrazara joan zaizkigu Gartxo eta Oiongo lagunak mahatsa biltzera. Badakizue? bere harresiak direla eta, nazioarteko sari bat eman zioten iaz Arabar Errioxako herri eder honi.
Paisaiaren ezaugarriak ikasten hasiak garenez, ea zeintzu ezaugarri identifikatzen dituzun hemen.

DBH 2: Mate. Grafikak (1). Itsasaldien taula

Grafikak egiten hasi aurretik, beharrezkoa izaten da datuak tauletan kokatzea, horrela gai baikara datu piloa begirada batean ikusteko eta datuok konparatu eta elkarren artean loturak bilatzeko.
Hemen duzue Pasaiako Portuko itsasaldien taula, 2009ko abenduari dagokiona. (klikatu argazkian)

a) Zein egunetan uste duzue izango zela ilargi betea? Zergatik? (arrazonatu hizkera zientifikoa erabiliz)
b) Zein egunetako zein ordutan izan da itsasgorarik bajuena? eta itsasgorarik altuena?
c) Zein egunetako zein ordutan izan da itsasbeherarik bajuena? eta itsasbeherarik altuena?
d) Zeintzuk dira itsasaldien anplitude handiena eta txikiena?
e) Zein motatako grafika egingo zenukete datu guzti hauekin? hainbat posibilitate daude, beraz ongi arrazonatu beharko duzue zuen erantzuna ontzat eman dezadan.

Monday, February 1, 2010

DBH 1: Natura. Zaindu dezagun ura.

Ikus ezazu bideo hau. Ea gustuko duzuen.