DBH 3: Natura. Organoak

Zerrenda honetan hainbat organo ageri dira. esan ezazu bakoitza zein aparatu edo sistemaren atala den, zein den bere ekintza eta zein bizi funtziotan hartzen duen parte.

Batxi 2: Lur Zientziak. Ingurumen-inpaktuak (2)

Hemen dituzue hainbat gizaki. Beraien bizimoduen artean desberdintasun handiak daude. Azter ezazu bakoitzak bere ingurumenean sortzen duen inpaktua.

Batxi 2: Lur Zientziak. Ingurumen-inpaktuak (1)

Ikusi dugu jadanik Ingurumen-inpaktua kontzeptuaren definizioa; Lurreko edozein sistematan (geosfera, hidrosfera, atmosfera, biosfera) gizakiaren jarduerak sortutako edozein aldaketa.

Ondoren ingurumen-inpaktuak sailkatu ditugu eragiten duten eremuaren arabera, hala nola erliebean, lurzoruan, paisaian, floran eta faunan, atmosferan eta azkenik uretan. Jakin badakigu ere badaudela inpaktu positiboak, nahiz eta gehienak negatiboak diren.

Azter itzazu honako argazki hauek eta egin ezazu eragiten duten inpaktuaren gaineko hausnarketa testutxo bat. Lehenengoan AHTak Aramaioko lurretan izango duen zubia ageri da, bigarrenean Ulibarriko urtegia eta hirugarrenean itsasoan urperaturiko txalupa bat.

MGZ: Zientzialari famatuak

Hona hemen hainbat zientzialari famaturen argazki edo marrazkiak. Denak ikusi izan dituzu DBHn. Identifika ezazu bakoitza eta ordena itzazu kronologikoki. Ondoren aipa ezazu bakoitzak aurkitu edo esandakoa. Denak nahasian daude, noski.

Lehenengo multzoa:

Bigarren multzoa:

Batxi 2: Lur Zientziak. Kutxa beltzaren eredua.

Azter itzazu honako bi sistema hauek kutxa beltzaren eredua erabiliz. Lehenengoan Gasteiz hiria dakusagu eta bigarrenean Biasteriko Carralogroño aintzira endorreikoa.

MGZ: Zer da zientzia? Zer ez da zientzia?

Azter itzazue ondorengo zazpi argazkiak.
- Zientziarekin erlaziorik ba al dute?
- Zertan eragin dio zientziak bakoitzari?
- Zein zientziak aztertzen du bakoitza?

MGZ: Akats zientifikoak zineman.

Ikasturtea modu atsegingarrian hasteko, hemen duzue bideo pare bat, filmetan agertzen diren akats zientifikoak azaltzen dituztena. Hauetatik zeinek harritu zaituzte gehien?

Ondo pasa oporretan!

Berria: Tolosako ikasleen zunda estratosferara

Tolosako Hirukide eskolako ikasleek zunda bat bidali zuten estratosferara. Bi ikasturtetako proiektua izan da Izar Galaktik deitu dutena. Atzo Radio Euskadiko "La mecánica del caracol" saioan izan ziren proiektuaren nondik norakoak azaltzen. 

Gehiago jakin nahi izanez gero, klikatu esteka hauetan:
Izar Galaktik bloga
Egindako bideoa
Bideoko irudiak ikusgarriak dira benetan.

DBH4: Biologia. Desastre ekologikoak.

Hemen dituzue munduan gertatu izan diren hainbat desastre ekologikorekin erlazionaturiko izenak. Bila ezazue bakoitzari buruzko informazioa.



Galderak:
- zer da?
- non dago?
- zer gertatu zen?
- noiz gertatu zen?
- zeintzu izan ziren ondorioak?
Izenak:

- Bhopal

- Biescas

- Aznalcollar

- Exxon Valdez

- Prypiat

- Love Canal

- Muxía

- Fukushima

- Moynaq

- Seveso