"Ilargi esnea" izenarekin bataiatu dute Aizarnako (Gipuzkoa) meategi abandonatu batean espeleologoek aurkitu duten likido zuria. Munduan kasu bakarra da likido egoeran agertzen dena, izan ere aurkitu duten tokietan jadanik solidotua baitago. Ernio mendiaren barrenean dagoen galeria batean aurkitu dute eta 300 metrotako bidea egiten du, barneko beste erreka batzuekin elkartu eta kolorea galtzen duen arte.
Ilargi esnea, zuria eta disdiratsua da, karbonatoa, kaltzioa eta magnesioa dira haren osagai nagusiak. Gibbsita mineralaren kristal txikiak ditu. Aizarnako esneak kristal bereziki txikiak dituelako dago egoera likido bitxian. Karlos Galán biologoak 32 troglobio espezie identifikatu ditu bertan.
Posts
No comments:
Post a Comment