DBH 3: Natura. Izaki bizidunak (2)

Lehen intsektuekin egin duzuen bezala, orain hegaztiekin egitea tokatzen zaizu. Beraz galdera berdinak erantzun beharko dituzu:
a) Zein hegazti talde daude?
b) Zein ezaugarri ditu talde bakoitzak? Jar itzazu adibide bana.
c) Ondoko argazkietako bakoitzean agertzen den hegaztia zein taldetan sartuko zenuke? klikatu argazkian handiago ikusteko.

DBH 3: Natura. Izaki bizidunak (1)

Intsektuak dira espezie kopuru handiena duten animalia klasea eta ondorioz hainbat azpitaldean sailkatzen dira.
a) Zeintzuk dira azpitalde horiek?
b) Aipa ezazu azpitalde bakoitzeko adibide bat.
c) Hona hemen hainbat intsekturen argazkiak (klikatu argazkien gainean irudia haunditzeko). Azter itzazu eta esan ezazu bakoitza zein azpitaldetan sartuko zenukeen.

DBH 4: Mate. Arrazoi trigonometrikoak

Hona hemen zirkunferentzia batean sinuaren eta kosinuaren balioak kalkulatzeko aplikazio bat.
sinuaren kutxa
kosinuaren kutxa

a) Fijatu zitezte ongi lortutako balioen zeinuetan. Kuadrante bakoitzean zein zeinu lortuko dute sinuaren eta kosinuaren balioek?
(esate baterako begira itzazue 15º, 30º, 45º, 120º, 150º, 225º eta 300ºen sinu eta kosinuak)

b) Aurreko datuak estrapolatuz zehazta itzazue angelu bakoitzaren tangentearen emaitzak (zeinuak kontutan hartu, e?)

DBH 4: Kimika. Elementu nagusien kokapena.

Hona hemen Zarauzko Lizardi Institutuko Rafa Muñoa irakasleak sorturiko jokoa. Bertan Elementu Kimiko nagusien kokapenak ikasiko ditugu. Klikatu hemen eta jolas ezazu 30 erantzunetatik 25 asmatzen duzun arte.

DBH 4: Geologia. Planetaren definizioa.

2003an Sedna izeneko planeta berria aurkitu zenean, kezka handi bat azaldu zen munduko astronomoen artean. Sedna Plutonen antzeko astro bat zen, eta argi ikusten zen urteak pasa ahal Eguzki Sistema planetaz betetzen joango zirela zientzialariak. Ondoan duzue nola geldituko litzatekeen Eguzki Sistema, Plutonen antzeko astroak planeta kontsideratuko bagenitu.
Gauzak horrela, Nazioarteko Astronomia Biltzarrak planeta kontzeptua berdefinitu zuen 2006ko abuztuaren 22an. Ondorioz, astro batek planeta kontsideratua izan dadin honako hiru ezaugarri hauek bete behar ditu:
1 - Eguzkiaren inguruan bira egin behar du.
2 - Nahikoa masa izan behar du bere grabitateak gorputza orekan mantentzeko (hau da, gutxi gora behera borobila izan behar da)
3 - Egiten duen bidea garbi izan behar du.

Plutonek lehenengo ezaugarri biak betetzen ditu baina hirugarrena ez. Horretatik planeta nano gisa izendatu dute. Zortzi planeta gelditu zaizkigu beraz Eguzki Sisteman:
Merkurio, Artizarra, Lurra, Martitz, Jupiter, Saturno, Urano eta Neptuno.

DBH 2: Ekuazio sistemak

Hona hemen hainbat ekuazio sistema. Ebatz itzazu koadernoan, bai ariketak eta baita problemak ere.
klikatu hemen

bestetik ea gai zareten hurrengo problema ere askatzeko:
klikatu hemen

.

DBH 2: Natura. Petrolioaren ipuintxoa

DBH 2n energia iturriak aztertzen amaitu genuen azken klasean eta petrolioa laister bukatuko deneko kezkak argitzeko, hona hemen petrolioaren inguruko ipuintxo bat, ea gustuko duzuen...

DBH 4: Kimika. Lotura motak

Azkenengo klasean lotura kimiko motak aztertu ditugu eta hona hemen YouTuben aurkitu ditudan bideo bi. Ingelesez hitzegiten dute baina zuek ez duzue arazorik izango, oso azkarrak zarete eta.

Lotura ionikoa eta kobalentea:


Ur molekularen sorrera:

DBH 4: Elementu kimikoen Taula Periodikoa.

Kimikarekin hasi berriak gara eta Elementu Kimikoen Taula Periodikoa aztertzea ezinbestekoa dugu. Elementu Kimiko guztiak asko direla badakit, beraz zuek lauron artean bana itzazue guztiak eta bakoitzak elementu batzuk egin ditzala.

Horretarako elementuak banan bana aztertuko ditugu eta beraietaz honako ezaugarri hauek adierazi beharko dizkidazue:
1) Izena eta izenaren zergatia
2) Sinboloa eta sinboloaren zergatia
3) Noiz eta non izan zen aurkitua
4) Nork aurkitu zuen eta nongoa zen zientzialaria.
5) Talde hauetatik zeinetan sartzen da: Halogenoak, Alkaliak, Alkalinoterreoak, Gas nobleak, Lur arraroak, edo hauetako bat ere ez.
6) Giro tenperaturan zein egoera fisiko azaltzen dute.

Elementu batzuk aintzinatik dira ezagunak, beraz ezingo duzue noiz, non eta nork aurkitua den esan.

Ondo pasa oporretan

Gaur Aste Santuen aurreko azken eguna dugu eta zer esango dizuet ba... ONDO PASA OPORRETAN!